Provincial Smoke Free Task Force, Binuo sa Batangas
Pansamantalang Pagsasara ng Taysan Road, Inaprubahan ng Sangguniang Panlalawigan
March 6, 2021
PTCAO Photo Contest 2021, Itatampok ang mga Lugar, Pagkain at Tradisyong Batangueño
March 6, 2021
March 6, 2021
Pinaigting pa ng Pamahalaang Panlalawigan ng Batangas ang kampanya laban sa paninigarilyo sa lalawigan sa pagbuo ng Batangas Provincial Smoke Free Task Force sa pamamagitan ng Executive Order No. 2Him2-20 Series of 2020 ni Gov. DoDo Mandanas.
Ang task force, na pormal na naging epektibo noong ika-23 ng Nobyembre 2020, ay nalikha sang-ayon sa Provincial Ordinance No. 005 – 2014 o mas kilala bilang “No Smoking Ordinance of 2014.” Pinagtibay din ito ng at iniayon sa Executive Order No. 26 ng Office of the President (Providing for the Establishment of Smoke-Free Environments in Public and Enclosed Places).
Ang Batangas Provincial Smoke Free Task Force ay nakatuon sa mas epektibong pagpapatupad ng mga regulasyon at monitoring ng paninigarilyo sa lalawigan.
Bukod sa tradisyunal na sigarilyo, kabilang na rin sa mga ipinagbabawal o kinakailangang kontrolin sa mga pampublikong lugar ang paggamit ng Electronic Cigarettes or Electronic Nicotine and Non-Nicotine Delivery Systems (ENDS / ENNDS) o mas kilala bilang e-pipe, e-cigar, rechargeable e-cigarette, disposable e-cigarette, e-hookahs, vapes, o iba pang katulad na kagamitan anuman ang kanilang disenyo at itsura.
Pinangungunahan ang nasabing task force ng Governor bilang Chairperson at Provincial Health Officer bilang Vice-Chairperson.
Tumatayong miyembro naman ang Chairperson ng Sangguniang Panlalawigan Committee on Health and Sanitation, Presidente ng League of Barangay Captains, Sangguniang Kabataan Federation President, Provincial Administrator, Provincial Engineer, Provincial Legal Officer, Provincial Information Officer, Provincial Government Environmental and Natural Resources Officer, Provincial Public Order and Safety Officer, Provincial Social Welfare and Development Office, Provincial Human Resource Management Officer, Provincial Director ng Department of the Interior and Local Government, Provincial Director ng Philippine National Police at representatives mula sa Department of Education, Commission on Higher Eduction, at mga academic institutions sa lalawigan.
Bryan Louise Mangilin – Batangas Capitol PIO
