Outstanding Employees ng Kapitolyo, Pinarangalan sa Anibersaryo ng Serbisyo Sibil

October 3, 2022

Kaugnay sa pagdiriwang ng ika-122 anibersaryo ng Serbisyo Sibil ng Pilipinas, itinanghal ng Pamahalaang Panlalawigan ng Batangas, sa pamamagitan ng Provincial Human Resource Management Office (PHRMO), ang mga nagwagi sa Search for Office and Individual Awards 2022 at Song Writing Contest noong ika-27 ng Setyembhre 2022 sa Regina R. Mandanas Memorial DREAM Zone, Capitol Compound, Lungsod ng Batangas.

Nahirang na Outstanding Employees of the Year sina G. Rommel M. Fajiculay, Construction and Maintenance Foreman ng Provincial General Services Office (GSO), para sa 1st Level Category, at Ginang Marciana B. Cueto, Supervising Administrative Officer ng GSO, sa 2nd Level Category.

Ginawaran naman ng Exemplary Behavior Awards sina G. Ariel Bautista, Administrative Aide III mula sa Provincial Planning and Development Office (PPDO), para sa 1st Level Category, at G. Fermin M. Macalalad, Medical Technologist II mula sa PHO-Don Manuel Lopez Memorial District Hospital, Exemplary Behavior Award sa 2nd Level Category.

Mula sa 13 na mga nominees, nagwaging Model Employee of the Year si Engr. Lorellie A. Villa Del Rey ng Office of the Provincial Agriculturist (OPAg). Naging Governor’s Service Awardee naman si Gregoria Juanita B. Pasaol, retired Administrative Officer III mula sa GSO.

Para naman sa Office Awards, hinirang na Best Organizational Unit ang Research Monitoring & Policy Formulation and Planning Division mula sa PPDO. Bukod ditto, binigyan ng Special Award ang Provincial Health Office para sa kanilang ipinamalas na natatanging paglilingkod sa Lalawigan ng Batangas sa panahon ng pandemya na lumilikha ng pangmatagalang benepisyo sa mga Batangueño.

Sa 2022 Song Writing Contest, nag-kampeon si Arlene Ronquillo ng Provincial Social Welfare and Development Office para sa kanyang komposisyong “Dangal.” Pumangalawa naman si Juvy Hernandez ng PHRMO, habang nanalo ng ikatlong pwesto si Atty. John Ferdinand Maneja ng Provincial Legal Office sa kanyang piyesang “Sa Lingkod Bayani.”

Samantala, binigyang-pugay ng Kapitolyo ang pagkakakilala kay Provincial Veterinarian, Dr. Romelito Marasigan, bilang Outstanding Provincial Veterinarian 2022 ng Provincial, City, and Municipal Veterinarians’ League of the Philippines.

Pinangunahan ang pagpupugay nina Vice Gov. Mark Leviste, 5th District Senior Board Member Claudette Ambida, at iba pang mga board members ng Sangguniang Panlalawigan.

Jayne Elarmo/Janssen Olimba