Balayan Pride, Wagi Muli sa International Math at Science Contests
VG Leviste: Ordinansa para sa Batangas Micro, Small and Medium Enterprises Development Council Pasado Na
August 4, 2023
Batangas Province Local Energy Plan Patuloy na Binabalangkas, Inaasahang Matatapos bago Matapos ang Taon
August 8, 2023
August 8, 2023
Binigyang pagkilala ng Pamahalaang Panlalawigan ng Batangas, sa pangunguna ni Governor DoDo Mandanas, kasama ang mga miyembro ng Sanggunian Panlalawigan, si Edsteinefielle Josh R. Imperial, na tubong Balayan, Batangas, at nagpamalas ng husay, galing, at katalinuhan sa bansang Singapore noong Hunyo 2023.
Napanalunan ni Edsteinefielle, na isa ring iskolar ng pamahalaang panlalawigan, ang Silver Award sa Singapore and Asian Schools Math Olympiad 2023, at Bronze Award sa ASIAPORE Olympiad-Mathematics National Round, ASIAPORE Olympiad-Science National Round, at Singapore Math Global Finals 2023.
Magugunita na noong nakaraang Nobyembre 2022, binigyan na rin ng pagkilala si Imperial ng masungkit niya ang Gold Medal sa VANDA International Science Competition, Silver Medal sa Design Thinking with Robotics and Computational Thinking, at Bronze Medal naman sa Mind Sport Challenge at Math Master Mind sa Singapore International Math Olympiad Challenge (SIMOC).
Isinagawa ang naturang pagpupugay kay ipinagmamalaki ng Balayan noong ika-7 ng Agosto 2023 sa Regina R. Mandanas Memorial DREAM Zone, Capitol Compound, Batangas City.
Sheryl Mae Macuha-Halili – Batangas Capitol PIO
