February 15, 2019
Pormal nang binuksan ang bagong gusali na magsisilbing panlalawigang tanggapan ng Department of the Interior and Local Government (DILG) Batangas nang isagawa ang blessing at inauguration nito noong ika-15 ng Pebrero 2019 sa Capitol Compound, Lungsod ng Batangas.
Lubos ang pasasalamat nina DILG CALABARZON Regional Director Manuel Q. Gotis at Batangas Provincial Director Adelma Mauleon sa suporta ng Pamahalaang Panlalawigan ng Batangas, sa pangunguna ni Gov. DoDo Mandanas, upang magkaroon ng katuparan ang matagal na nilang pangarap na magkaroon ng bago at mas maayos na tanggapan.
Sa mensahe ni Governor Mandanas, sinabi nito na ang ang pagkakatayo ng bagong gusali ay sumasalamin sa hangarin ng DILG na maging bantayog ng pagsisikap upang maging mabuting kaagapay ng pamahalaang nasyunal sa lahat ng mga lokal na pamahalaan sa bansa.? Trizia Joy P. Canosa – Batangas Capitol PIO