November 21, 2022
Ipinamahagi ng Pamahalaang Panlalawigan ng Batangas, sa pangunguna ng Provincial Disability Affairs Office (PDAO), ang developmental assessment assistance sa mga specially-abled na kabataan noong Nobyembre 8-15, 2022.
Nasa 268 na mga benepisyaryo mula sa 20 na bayan at lungsod sa lalawigan ang napagkalooban ng tulong pinansyal ng PDAO, na nasa ilalim ng PSWDO, at nagkakahalaga ng ₱2,500 bawat isa.
Ang developmental assessment assistance ay taunang ipinagkakaloob sa mga kabataang Persons with Disability upang makatulong sa pambayad nila sa doctors’ professional fee para sa medical certificates na kanilang kakailanganin sa pagpasok sa paaralan.
Gian Marco Escamillas, Batangas Capitol PIO / Photo from PDAO