Mga Bagong Opisyales ng Batangas Tourism, Culture & Arts Councils, Inihalal

November 21, 2022

Nakatakdang manumpa ang mga bagong opisyales ng Batangas Tourism Council (BTC) at Batangas Culture and Arts Council (BCAC) sa darating na Disyembre 5, 2022, matapos ang isinagawang botohan kasabay ng Joint Full Council Meeting, na pinangunahan ni Gob. DoDo Mandanas, noong Oktubre 20, 2022 na ginanap sa Provincial Tourism and Cultural Affairs Office, Capitol Compound, Batangas City.

Nahalal bilang Presidente ng BCAC ang dating PTCAO department head na si Atty. Sylvia Marasigan, Bb. Chiqui Trivino (Pinuno ng Media Sector) bilang Bise-Presidente, Arch. Cherry A. Lubat-Mendoza (Pinuno ng Arkitektura) bilang Sekretarya, G. Luisito Nario (Pinuno ng Teatro) bilang Treasurer, G. Lino Acasio (Pinuno ng Sining Biswal) bilang Auditor, at G. Virgilio Cuizon mula sa KUNST Filipino bilang PRO.

Samantala, muli namang nahalal bilang Presidente ng BTC si G. Sonny Lozano, Atty. Sylvia M. Marasigan bilang Bise-Presidente, G. Mike Maranan (Taal Maranan Farmville) bilang Sekretarya, G. Alex Yap (SMART) bilang Treasurer, G. Rodel Lacorte (Taza Mia) bilang Auditor, at Bb. Genalyn Barba, Presidente ng Batangas Tourism Officers Association, bilang PRO.

Layunin ng mga konsehong ito na mas lalong mapaigting at mapayabong ang aspeto ng turismo, sining at kultura sa 29 na bayan at 5 lungsod ng lalawigan, alinsunod sa direktiba ng Department of the Interior and Local Government (DILG) sa ilalim ng Local Government Code of 1991.

Batangas Provincial Tourism and Cultural Affairs Office