2023 Governor’s Cup winners, kinilala ng Kapitolyo

October 9, 2023

Sa pagtatapos ng Governor’s Cup Inter-Department Sports Festival 2023, kinilala ng Kapitolyo, sa pangunguna ng Provincial Assistance for Community Development (PACD) Office ang mga nanalo sa nagdaang palaro kasabay ng isinagawang pagpupugay sa bandila ng Pilipinas noong ika-9 ng Oktubre 2023 sa Regina R. Mandanas Memorial DREAM Zone, Capitol Compound, Lungsod ng Batangas.

Ang naturang palaro na pinasimulan noong Setyembre 4, 2023 bilang bahagi ng Civil Service Month celebration ay nahati sa Division A at Division B. Itinanghal bilang kampeon sa larong basketball sa Division A ang Team 6 (General Services Office, Provincial Government Environment and Natural Resources Office) habang pumangalawa ang Team 1 (Office of the Provincial Governor, Provincial Information Office, Provincial Jail, Provincial Public Order and Safety Department).

Hinirang naman bilang Mythical 5 sa nasabing dibisyon sina Kevin Paulo P. Medrano, Marwin Domingo, Buenaventura A. Dela Rosa, Reinier Niño B. Castillo, at Francis Pedrosa, na siya ring itinanghal na Most Valuable Player.

Samantala, para sa Division B, nanguna ang koponan ng Team 2 (Office of the Vice Governor, Sangguniang Panlalawigan, Provincial Library) na sinundan ng Team 8 (Provincial Assessor’s Office, Provincial Veterinarian’s Office, Office of the Provincial Agriculturist, Office of the Provincial Legal Officer, Office of the Provincial Administrator). Ang Mythical 5 ay kinabilangan nina Jecel Dalisay, Oliver Lontoc, Junar Magnaye, Thyron Rosales, at ng Most Valuable Player na si Chad Ambalada.

Bukod sa basketball, nagpaligsahan din ang mga empleyado sa larong volleyball kung saan nasungkit ang unang puwesto sa Division A ng Team 7 (Provincial Cooperative, Livelihood and Enterprise Development Office, Provincial Budget Office, Provincial Accountant’s Office, Provincial Treasurer’s Office) habang pumangalawa ang Team 8. Samantala, nakuha ng Team 6 ang kampeonato sa Division B at runner-up naman ang Team 1.

Ang Mythical 6 ay binuo nina Vivian Hernandez, Evangelyn Bantigue, Wendy Manalo, Mary Crislin Piscos, Lalyn Garcia, at Neslyn Estrella para sa Division A, habang sina Regine De Torres, Sheree Ann Ilao, Maricar Castor, Yedda Gamboa, Kathlyn Balotcopo at Lenny Rose Dapol sa Division B. Napili bilang Most Valuable Player sina Neslyn Estrella (Division A) at Lenny Rose Dapol (Division B).

Gian Marco Escamillas, Batangas Capitol PIO / Photos by Francis Milla