Mga Kabataang Batangueño, Binigyang Parangal sa Kapitolyo

April 15, 2019

Galing ng Kabataang Batangueño. Binigyang pagkilala ng Pamahalaang Panlalawigan ng Batangas, sa pangunguna ni Gov. DoDo Mandanas at Provincial Administrator Levi Dimaunahan, si Dexter Jan Rosales ng San Pascual, Batangas, na nagtapos ng kursong Bachelor of Science in Aircraft Maintenance Technology bilang Summa Cum Laude sa Philippine State College of Aeronautics sa Fernando Air Base, Lipa City. Ginanap ang pag-aabot ng sertipiko noong ika-15 ng Abril 2019 sa Provincial Auditorium, Capitol Site, Batangas City. Photo: Junjun De Chavez – Batangas Capitol PIO

Sa patuloy na pagpapahalaga ng Pamahalaang Panlalawigan ng Batangas, sa pangunguna ni Governor DoDo Mandanas, sa galing ng kabataang Batangueño, binigyang pagkilala ang ilang mga mag-aaral na nagtapos ng may mga academic honors at nagwagi sa international awards noong ika-15 ng Abril 2019 sa Provincial Auditorium, Capitol Site, Batangas City.

Pinangunahan ni Dexter Jan Rosales, na nagtapos ng kursong Bachelor of Science in Aircraft Maintenance Technology bilang Summa Cum Laude sa Philippine State College of Aeronautics sa Fernando Air Base, Lipa City, ang mga pinarangalang college graduates. Si Rosales ay tubong San Pascual, Batangas at anak ng isang guro at jeepney driver.

Kasama niya ang mga course mates niyang sina Sharykae Castor, Princess Ericka Bedonia, Charles Jefferson Basilonia, at Queen Raquel Marquez na nagtapos naman bilang mga Magna Cum Laude.

Nagtapos naman sina Princess Angelica Dabuet at John Christopher Sayson ng kursong Bachelor of Science in Aviation Electronics Technology; habang sina Jhed Amazona at Zyron Ivan Aclan ng kursong Bachelor of Science in Aircraft Maintenance Technology, na pawang mga Cum Laude.

Pitong estudyante naman mula sa Rizal College of Taal ang nagtapos na Cum Laude, kabilang sina Maylen Mijares ng kursong Bachelor of Secondary Education-Major in English, Monica Bathan ng kursong Bachelor of Elementary Education, Antonette Ondo ng kursong Bachelor of Secondary Education-Major in Mathematics, Cheska Marquez ng kursong Bachelor of Elementary Education, Cecile Del Mundo ng kursong Bachelor of Secondary Education-Major in Filipino, at sina John Mark De Sagun at Marineth Sebolino ng kursong Bachelor of Secondary Education-Major in Biological Science.

Kabilang ang mga nabanggit na estudyante sa mga provincial government scholars na nakakatanggap ng Educational Assistance bawat semester.

Kinilala rin ang mga Stonyhurst Southville International School – Batangas City students, na nagkamit ng Bronze Award sa Duke of Edinburgh’s International Award, kabilang sina Sum Sawamoto, Jewel Sheeiah Delos Angeles, Frankie Ephraim Hernandez, at Iana Isiss Jamela Portugal. Avelene P. Lopez- Batangas Capitol PIO