Kauna-unahang Kite Festival, Isinagawa sa Lalawigan Ng Batangas

April 19, 2023

Napuno ng makukulay at naggagandahang mga papagayo ang kalangitan ng Provincial Sports Complex, Barangay Bolbok, Batangas City sa isinagawang Batangas Kite Festival noong ika-16 ng Abril 2023.
Ang naturang aktibidad ay inorganisa ng Pamahalaang Panlalawigan ng Batangas, sa pamamagitan ng Provincial Tourism and Cultural Affairs Office (PTCAO), sa pakikipagtulungan at pakikiisa ng Papagayong Batangueño Group.

Tinatayang umabot sa 131 kite entries, mula sa iba’t ibang kite associations at enthusiasts sa lalawigan, ang nagpataasan at nagpagandahan ng kani-kanilang mga disenyo ng papagayo kung saan pinili ang mga nanalo para sa mga sumusunod na kategorya:

PAGANDAHAN CATEGORY
1st Place: Mark Perez (Batangas City)
2nd Place: Ronelon Dela Cruz (San Jose)
3rd Place: John Paul Javier (Batangas City)

PATAYUGAN CATEGORY
1st Place: Pablito Paradilla (Lipa City)
2nd Place: Darwin Obias (San Jose)

ON THE SPOT KITE MAKING CATEGORY
1st Place: John Paul Javier (Batangas City)
2nd Place: Viriel Dalawangbayan (San Pascual)
3rd Place: Arniel Virtus (San Pascual)

Samantala, nanguna ang likha ni Darwin Obias ng San Jose para sa smallest kite category at Amiel Ilagan para sa biggest kite category. Nagkaroon din ng mga special awards gaya ng Best Theme Award na iginawad kay Luigene Cruz ng Lipa City, Crowd’s Choice Award kay John Michael Barrion (San Nicolas), Jurors’ Choice Award kay Mark Daniel Hobayan (San Jose) at ang Youngest Choice Award na ipinagkaloob kay Daphne Aplon. Ang mga kalahok na nagwagi ay nag-uwi ng ribbon, sertipiko at cash prize na nagkakahalaga ng ₱1,000 hanggang ₱10,000.

Kasamang nakibahagi sa aktibidad sina 5th District Board Members Claudette Ambida at Arthur Blanco at Batangas Tourism Council President Juan P. Lozano.

Batangas Capitol PIO / Photos from Batangas Tourism and Cultural Affairs (PTCAO)