Virtual Oath-taking ng Batangas Provincial Youth Development Council, Isinagawa
Tulong Pinansiyal para sa Community Development Projects Ipinamahagi ng PACD
June 5, 2021
Provincial Health Office, Nag-ulat sa Estado ng Pagbabakuna sa Lalawigan
June 5, 2021
June 5, 2021
Isinagawa ang isang virtual Oath-Taking Ceremony ng mga kasapi ng Batangas Provincial Youth Development Council (PYDC) noong ika-28 ng Mayo 2021, sa pangunguna ni Gov. Hermilando “DoDo” Mandanas bilang inducting officer.
Ang seremony via Zoom ay dinaluhan nina Bokala Maria Louise G. Vale, Sangguniang Kabataan Provincial Federation President (SKPF); SKPF Vice President Archie Catapang; Provincial Assistance for Community Development (PACD) Office Officer in Charge at Assistant Department Head Diosdado Macalintal; at, PACD Youth and Sports Division chief Arthur Caguitla. Ito ay sa pamamahala ng PACD sa pangunguna ni Department Head ni Mrs. Fredesvinda Mendoza.
Nanumpa sa tungkulin ang mga nahalal na mga kinatawan sa PYDC, kabilang sina Dan Erick B. Paña at Manuel B. Alvarez ng PAG-ASA Youth Association; Nicko Jan Butanas ng Active Youth Organization Serving Great Assistance (AYOSGA); Kristelle B. De Guzman ng College of Engineering, Architecture and Fine Arts (CEAFA-SC) – Batangas State University – Alangilan; Angelika Vhem S. Baliwag ng Supreme Student – Batangas State University – Alangilan; Harren F. Escarez ng Batangas Blacksheep Riders Club; Raine Aldrick E. Macatangay ng Kabataan Partylist Batangas; Virginia Rizelle Yamson ng Gabriela Youth Batangas; Gabrielle V. Reveche ng Parish Youth Ministry; at, Jennifer Leigh S. Mayo ng Sulambi Volunteers Organization Student Auxiliary.
Sa kanyang mensahe, binigyang-diin ni Gov. Mandanas ang kahalagahan ng nasabing seremonya at ng mga kabataang sumailalim dito dahil ang bawat isa sa kanila aniya ay itinuturing na mga makabagong pag-asa, na epektibong katuwang sa pagpapaunlad at paghubog sa kinabukasan ng lalawigan.
BATANGAS PACD
