EMERGENCY OPERATIONS CENTER (EOC) Management Training Hatid ng OCD-CALABARZON para Batangas

Inagurasyon ng mga Bagong Myembro ng Sangguniang Panlalawigan ng Batangas 2022-2025
July 5, 2022
Job Fair para sa mga PWD, Isasagawa ng Batangas Capitol
July 5, 2022

July 5, 2022

Magkatuwang na isinagawa ng Office of the Civil Defense (OCD-CALABARZON) at Batangas Provincial Disaster Risk Reduction and Management Office (PDRRMO) ang tatlong araw na Emergency Oporations Center (EOC) Training na ginanap sa Tan Ville Resort, Rosario, Batangas.

Layunin ng pagsasanay na mabigyan ng kaalaman at kakayahan ang mga miyembrong ahensya at tanggapan ng Provincial Disaster Risk Reduction Management Council (PDRRMC) na bumuo ng “common operating procedures” para sa isang inter-agency and multi-level coordination response na gampanin at nasa ilalim ng pamamahala ng isang Emergency Operations Center sa mga oras ng disaster at emergency.

Tatlumpong mga kinatawan ng mga ahensyang miyembro ng PDRRMC and dumalo sa pagsasanay, kabilang ang Department of the Interior and Local Government – Batangas, Department of Public Works and Highways, Bureau of Fire Protection, Philippine Coast Guard, Philippine Air Force, Batangas Provincial Police Office, Department of Education – Batangas Province, Philippine Red Cross and Provincial – Department of Health Office (PDOHO).

Sa hanay naman ng Pamahalaang Panlalawigan ng Batangas, ang mga partisipante ay binubuo ng mga itinakdang safety officers at kinatawan mula sa Provincial Information Office, Provincial Government – Environment And Natural Resources, Provincial Engineering Office, Provincial Legal Office, Provincial Administrator’s Office, Provincial Health Office, Provincial Social Welfare and Development Office, General Services Office, PDRRMO, Provincial Tourism and Cultural Affairs Office, Provincial Treasurer’s Office, Provincial Accounting Office and Provincial Assistance and Community Development Office. Mula sa mga lokal na pamahalaan, nakibahagi ang kinatawan ng MDRRMO ng Bayang ng Lian.

“Ang mga lectures, workshops at simulation exercise ay nagsilbing mahahalagang instrumento para sa pagbabahagi at pakikiisa ng mga ahensya at mga tanggapan sa mga kasanayan, kakayahan at abilidad, na lubhang kailangan para sa pamamahala ng kanilang mga EOC sa oras ng disaster at mga sakuna,” pahayag ni G. Noel Salagubang, kinatawan ng Department of Education – Province of Batangas. “Sa pagsasanay na ito, magiging maayos ang pagsuporta sa pinalakas na resources management, safety management procedures and accountability in time of emergencies.”

Naging mga paksa sa training course ang concept of EOC, legal mandate and its respective role in the DRRM system, EOC operations, EOC staffing and organizing, physical building requirements for establishing an EOC, communication essentials, at information management and EOC readiness.

Namuno sa pagsasagawa ng pagsasanay sina Ms. Fe D. Fernandez, Assistant Department Head ng PDRRMO – Batangas, kasama ang mga facilitators na sina G. Alexander James Pimentel ng Nasugbu MDRRMO, Ms. Noralyn Nera ng San Juan MDRRMO, Engr. Liezl Cadacio ng San Luis Municipal Engineering Office, at Ms. Stephanie Nadine Labrador ng Batangas PDRRMO.

Batangas Capitol PIO; BPDRRMO

Like
Like Love Haha Wow Sad Angry
3

Comments are closed.