Magiging mas mabilis na ang pagbiyahe ng mga residente ng Barangay Biga, Calatagan sa oras na matapos ang konstruksiyon ng Duhatan Bridge dito.
Ito ang ipinahayag ni Calatagan Mayor Peter Oliver M. Palacio, na nagpaabot ng taos-pusong pasasalamat kay Gov. DoDo Mandanas at sa mga katuwang sa nasabing proyekto, sa isinagawang Ground Breaking Ceremony ng Duhatan Bridge noong ika-16 ng Hulyo 2021.
Dumalo sa seremonya sina Provincial Engineer Gilbert Gatdula; Biga Barangay Captain Vivencio Delos Reyes; mga kagawad ng barangay; at mga kawani ng Kapitolyo.
JunJun De Chavez/ Photo: JunJun De Chavez. – Batangas Capitol PIO