February 23, 2017
Iniuwi nina Provincial Treasurer Fortunata Lat at Provincial Assessor Ed Cedo ang mga parangal mula sa Bureau of Local Government Finance (BLGF) sa ginanap sa BLGF Planning and Target Setting sa City State Tower, Manila noong ika 7 hanggang 9 ng Pebrero. Ipinagkaloob sa Provincial Treasurer’s Office ang pagkilala bilang pinakamaaga at tamang pagsumite ng 2015 Quarterly Electronic Statement of Receipts and Expenditures (eSRE) Reports sa buong Region IV-A at paglampas sa Calendar Year 2016 Revenue Collection Targets mula sa fees and charges at economic enterprises. Samantala, ipinagkaloob ng BLGF ang special recognition sa Provincial Assessor’s Office at Provincial Treasurer’s Office. Muli nilang iniharap ang mga nasabing karangalan kasama sina Provincial Administrator Levy Dimaunahan at ilang kawani ng Provincial Assessor at Treasurer’s Office sa Provincial Auditorium sa Capitol Site, Batangas City.
Kristina Marie Joy B. Andal– Batangas PIO Capitol