Bagong Nutrition Program Evaluation Tool para masukat ang implementasyon ng LGUs, ipinatutupad

October 18, 2019

Ipinresinta at tinalakay sa mga miyembro ng Batangas Provincial Nutrition Committee – Technical Working Group (TWG) ang bagong ipinatutupad ng National Nutrition Council at Department of Health na Monitoring and Evaluation on Local Level Plan Implementation (MELLPI) Pro Tool para sa Nutrition Program sa Provincial Health Office (PHO) Conference Room, Lungsod ng Batangas noong ika-18 ng Oktubre 2019.

Ang talakayan, na naka-angkla sa Philippine Plan of Action for Nutrition (PPAN0 2017-2022, ay pinangunahan nina Nutrition Officer IV Cynthia Lacaba, Nutrition Officer III Divina Bauan, Development Management Officer III Ma. Socorro Perez, at Nutrition Officer I Janel Clarete, na pawang mula sa PHO.

Layunin ng MELLPI Pro na ma-monitor at masuri ang katatayuan ng nutrition security sa local level, base sa mga local government unit accomplishments in service delivery systems and nutrition workforce performance. Mayroon itong dalawang bahagi: ang institutional component na tinitingnan ang iba’t ibang organizational attributes patungkol sa nutrition governance sa mga LGUs, at ang worker component na sinusukat ang management performance ng frontline nutrition staff sa local level.

Sa pamamagitan ng bagong monitoring tool, masusuri ang pagsulong nutrition program ng mga LGU sang-ayon sa quality standards; evidence-based validation; at mentoring sa pamamagitan ng joint discussion kasama ng mga nutrition workers.

Dumalo sa pagpupulong ng TWG ang mga kinatawan ng Department of Education – Batangas Province, Provincial Social Welfare and Development Office, Office of the Provincial Agriculturist, at Provincial Information Office.

Vince Altar – Batangas Capitol PIO