10th Session ng Sangguniang Panlalawigan, Isinagawa

September 7, 2022

Ginanap ang ika-10 na pagpupulong ng Ikalabing-isang Sangguniang Panlalawigan (SP) ng Batangas noong ika-5 ng Setyembre 2022, sa pangunguna ni 5th District Senior Board Member Claudette Ambida, sa Salvador H. Laurel Session Hall, Apolinario Mabini Legislative Building, Capitol Site, Batangas City.

Kabilang sa mga tinalakay sa session, sa pamamagitan ng Ways & Means Committee, sa pangunguna ni Board Member Melvin Vidal, ang Resolutioon No. 46-2022, Ordinance No. 16-2022 o ang pansamantalang pagsuspende ng pagpapataw ng kaukulang singil at bayarin sa bagong gawang stalls, transient homes and commercial spaces sa pamilihang bayan at sa livestock auction market ng Padre Garcia, Batangas. Ang naturang aksyon ay isinagawa bilang tulong at tugon ng Pamahalaang Bayan ng Padre Garcia sa panawagan ng mga stall owners na pagsuspinde ng pagpataw ng fees at charges hanggang Disyembre 2022 dahil sa pandemyang dulot ng COVID-19 at pagputok ng Bulkang Taal.

Ipinagpatuloy din ang paggagawad ng Certificates of Accreditation sa ilang civil society organizations (CSO) sa lalawigan, sa pangunguna ni 3rd District Board Member Fred Corona, chairperson ng Committee on Acceditation, sang-ayon sa Local Government Code of 1991 at Department of the Interior and Local Government Memorandum Circular No. 2019-72.

Kabilang sa mga nabigyan ng akreditasyon ang Punta Fuego Village Foundation inc (PFVI), Modern Farmers Association, NGO Federation of Lipa, Citizen’s Crime Watch Ai (CCWai), San Jose Workers’ Multi-Purpose Cooperative, Atikha Overseas Workers & Communities Initiative, Inc., Batangas Egg Producers Multi-Purpose Cooperative, Philippine Institute of Environmental Planners (PIEP) Batangas Chapter at Ten Foundations Philippines, Inc.

Babylyn Coz-Paña/ Photos: Jun-jun De Chavez