Volleyball star Bryan Bagunas, bibigyan ng pagkilala ng Pamahalaang Panlalawigan
Mother’s Day 2019, ipinagdiwang sa Kapitolyo
May 20, 2019
Batangas Provincial Social Welfare and Development Officer, Nag-ulat
May 22, 2019
May 20, 2019
Isinulong ni 1st Disrict Board Member Junjun Rosales ang isang Resolution of Commendation para kay Bryan Bagunas, isang Batangueño mula Bayan ng Balayan, matapos itong mahirang bilang Men’s Volleyball Tournament Most Valuable Player (MVP), Best Outside Hitter, Best Scorer at Best Server sa katatapos lamang na UAAP Season 81 sa Maynila.
Pinangunahan ni Bagunas, na manlalaro ng National University (NU) Bulldogs Volleyball Team, ang kanilang koponan sa kampeonato, na may 13-1 record sa elimination.
Siya rin ang top scorer na gumawa ng 285 total points at most efficient spiker na may 53.4% efficiency.
Dahil dito, ipinahayag ni BM Rosales, sa kanyang privilege speech sa idinaos na 18th Regular Session ng Sangguniang Panlalawigan noong ika-20 ng Mayo 2019, na nararapat lamang kilalanin ang karangalang ibinigay ni Bagunas sa probinsya, sa pamamagitan ng pagpasa ng isang Resolution of Commendation, kung saan nakapaloob na bibigyan ang atletang Batangueño ng Sertipiko ng Pagkilala at cash incentive mula sa pamahalaang panlalawigan. – Marinela Jade M. Maneja, Batangas PIO
