February 22, 2017
Pormal na tinanggap ng Lalawigan ng Batangas, sa pamamagitan ng Provincial Social Welfare and Development Office sa pangunguna ni Ms. Jocelyn Montalbo, ang tatlong awards mula sa Department of Social Welfare and Development Region IV-A Office kaugnay ng pagdiriwang ng 66th Depart of Social Welfare and Development Anniversary Celebration Pebrero 20,2017.
Best Province for Pantawid Pamilyang Pilipino Program Implementation, Best Initiative in Creation of Provincial Office for Senior Citizens Affairs at Salamat Po Award ang mga karangalang naiuwi ng Batangas PSWDO.
Ang taunang selebrasyon ay isinasagawa upang bigyang parangal ang mga natatanging lalawigan na katuwang ng Rehiyon sa pagpapalawig at patuloy na pagpapaunlad ng kanilang iba’t ibang programa. Ayon sa PSWDO, isa itong malaking karangalan para sa kanila sapagkat ngayon lamang nakatanggap ang lalawigan ng ganitong award kaya naman nanganagako sila na patuloy silang magiging masipag upang maipagpatuloy ang magandang adhikain ng kanilang tanggapan.
Personal namang tinanggap ni PSWDO Department Head Joy Montalbo ang pagkilala sa awarding ceremony na ginanap sa Alabang, Muntinlupa City.
Jestoni D. Hernandez-PIO Capitol