MoU para sa Batangas Provincial Commodity Investment Plan 2018-2020, Pinagpulungan
852 Scholars Nakatanggap ng Educational Assistance mula sa Kapitolyo
November 13, 2018
Capability Building Programs para sa Lalawigan ng Batangas, tinalakay
November 15, 2018
November 14, 2018
Upang makamit ang layunin ng Philippine Rural Development Project (PRDP) na madagdagan ang kita, pagiging produktibo at kakayahang makipagkumpitensya sa ibang mga lugar pagdating sa industriya ng agrikultura, napagpasyahan ng Pamahalaang Panlalawigan ng Batangas na magkaroon ng Memorandum of Understanding (MOU) for the Inter-Agency Convergence to Institutionalize Support for the Implementation of the Provincial Commodity Investment Plan (PCIP) 2018-2020.
Kaugnay nito, nagdaos ng isang preliminary meeting para sa paghahanda sa pagpirma sa MOU noong ika-13 ng Nobyembre sa Provincial Planning and Development Office Conference Room, Capitol Compound, Batangas City.
Ang pagpupulong ay dinaluhan ng mga kinatawan ng mga ahensyang kabilang sa MOU gaya ng Department of Trade and Industry (DTI) Region IV-A, Department of Science and Technology (DOST) IV-A, Department of Agrarian Reform (DAR) IV-A, Department of Environment and Natural Resources (DENR) IV-A, Philippine Coconut Authority (PCA) IV-A, Fertilizer and Pesticides Authority (FPA), Bureau of Fisheries and Aquatic Resources (BFAR) IV-A, National Irrigation Administration (NIA), National Dairy Authority, Philippine Carabao Center South Luzon, Agricultural Credit and Policy Council (ACPC) IV-A, Batangas State University (BSU), Landbank of the Philippines, Agricultural Training Institute, Bureau of Agricultural Research at Provincial Agriculture and Fisheries Council (PAFC).
Ang nasabing convergence ay naglalayong mas pagbutihin ang pagsisikap sa pagpapaunlad ng mga industriya sa lalawigan sa tulong ng national government agencies, government financing institutions, agriculture and fishery council at akademya.
Dagdag pa dito, inaasahang mas mapapalawak pa ang mga oportunidad para sa agro-enterprise at agribusiness development para sa industriya ng kape, saging, mangga at pinya.
Samantala, napagkasunduang sa darating na ika-10 ng Disyembre 2018 isasagawa ang pagpirma sa Memorandum of Understanding na gaganapin sa Batangas Provincial Capitol. ✐ Marinela Jade Maneja — Batangas Capitol PIO
