KOOP QUIZ 10TH Blast sa Batangas Province, Idinaos

2018 Farmers’ Day sa Batangas, Ipinagdiwang
October 25, 2018
Gov. Dodo Mandanas, Dumalo sa 1st Ibaan District Teachers Convention
October 26, 2018

Kasama ng mga winners ng Koop Quiz 10th Blast sina PCLEDO Dept. Head Celia Atienza (nakatayo 2nd mula kaliwa), 6th District Senior Board Member Rowena Sombrano-Africa (nakatayo 3rd mula kaliwa) at PCLEDO staff pagkatapos ng contest. Photo: Junjun De Chavez – Batangas Capitol PIO

October 25, 2018

Kasama ng mga winners ng Koop Quiz 10th Blast sina PCLEDO Dept. Head Celia Atienza (nakatayo 2nd mula kaliwa), 6th District Senior Board Member Rowena Sombrano-Africa (nakatayo 3rd mula kaliwa) at PCLEDO staff pagkatapos ng contest. Photo: Junjun De Chavez – Batangas Capitol PIO

Kaugnay sa 2018 COOPMonth Celebration na may temang “Partners for Building Resilient and Empowered Communities Towards a Better and Stronger Philippines,” isinagawa ang KOOP Quiz 10th Blast, sa pangunguna ng Provincial Cooperative Livelihood and Enterprise Development Office (PCLEDO), sa Provincial Cooperative Development Center, Capitol Compound, Batangas City noong ika-25 ng Oktubre 2018.

Nagkamit ng pinakamataas na marka at tinanghal na kampiyon si Junix C. Moster mula sa Munisipalidad ng Padre Garcia na nakalikom ng 154 points. Si Moster ay nagkamit ng halagang Php 10,000.00, nag-uwi ng Pangkabuhayan Showcase mula kay 6th District Senior Board Member Rowena Sombrano-Africa at magiging representative ng Lalawigan ng Batangas sa gaganapin Coop Quiz Regional Level.

Nanalong 1st Runner-up si Tanauan City bet Path Marianne D. Aala na nakakuha ng 144 points at nag-uwi ng Php 7, 000.00. Si Benette P. Cruz naman ng Cuenca, sa likod ng score na 142 points, ang nakakuha ng 2nd Runner-up award at ng premyong Php 5, 000.00.

Ang paligsahan na isinagawa ng PCLEDO, sa pamumuno ni Ms. Celia Atienza, ay sinalihan ng mga estudyante na kumakatawan sa 34 na mga lungsod at munisipalidad sa Lalawigan ng Batangas. Lahat ng mga kalahok ay nakatanggap ng Php 4, 000.00.

Nagbigay ng mensahe sina Gov. Dodo Mandanas at Senior BM Africa sa mga mag-aaral na nakilahok at mga cooperative stakeholders na dumalo sa pagtitipon. Nagpasalamat sila sa pagdaraos ng isinagawang aktibidad na kapaki-pakinabang sa bawat komunidad dala ng kagalingang dulot ng mga kooperatiba.

Gumanap na mga judge o panelist sa nasabing aktibidad sina Mr. Orlando Casanova, Education Program Supervisor ng Department of Education – Batangas; Mr. Emmanuel A. Munda, miyembro ng Board of Directors ng Cooperative Union of Batangas; at Ms. Nelia D. Onte, Senior Cooperative Development Specialist ng Cooperative Development Authority Calamba Extension Office. – Shelly Umali, Batangas Capitol PIO

 

Like
Like Love Haha Wow Sad Angry

Comments are closed.