Batangas Province at Madang, Papua New Guinea lumagda sa kasunduan ng pagkakaibigan

BM Malinay, muling nahalal na PCL – Batangas President
August 7, 2019
Women On Wheels para sa mga Batangueña, Umarangkada na
August 9, 2019

August 7, 2019

Pormal nang itinuturing na magkaibigan ang mga Lalawigan ng Batangas at Lalawigan ng Madang, Papua New Guinea. Ito ay matapos lagdaan ng dalawang lalawigan ang isang Memorandum of Understanding (MoU) noong ika-7 ng Agosto 2019 sa Capitol Compound, Lungsod ng Batangas.

Ang MoU, na nilagdaan nina Batangas Governor DoDo Mandanas at Madang Governor Peter Charles Yama, ay naglalayong pagtibayin ang relasyon at kooperasyon ng mga nabanggit na lalawigan sa larangan ng edukasyon, kalakalan, turismo, kultura at “people-to-people exchange or diplomacy.”

Nakasaad din sa kasunduan na maglalaan ng suporta at tulong ang mga pamahalaang panlalawigan sa mga organisasyon at kompanya sa magkabilang lugar upang makabuo ng mga ugnayang pang-ekonomiya at pagtutulungan sa mga usaping panlipunan.
Ang Madang Province, na matatagpuan sa hilagang baybayin ng Papua New Guinea, ay isa sa mga pangunahing pinagmumulan ng cocoa at baka sa nasabing bansa.

Naging saksi sa okasyon sina Provincial Tourism and Cultural Affairs Officer, Atty. Sylvia Marasigan, at mga opisyal ng dalawang pamahalaang panlalawigan.

Bryan Mangilin, Photo: Macc Ocampo – Batangas Capitol PIO

Like
Like Love Haha Wow Sad Angry

Comments are closed.