Batangas Capitol, Awardee sa 2018 digitalcitiesPH Awards

5th Cycle of Closed Season Fishing, Pinagpulungan
October 11, 2018
Batangas Provincial Cooperative, Livelihood and Enterprise Development Office Nagbigay ng Ulat
October 15, 2018

October 15, 2018

Kabilang ang Pamahalaang Panlalawigan ng Batangas sa mga local government units na gumagamit ng mga makabagong teknolohiya sa mga pinarangalan sa digitalcitiesPH Awards Night na ginanap noong ika-12 ng Oktubre 2018 sa Philippine International Convention Center (PICC) sa Lungsod ng Maynila.

Ginawaran ng digitalcitiesPH Award ang Pamahalaang Panlalawigan ng Batangas bilang Best in eGOV Government Inter-Operability Award sa Province Category dahil sa Electronic Real Property Taxation and Assessment System na ipinapatupad at ginagamit ng Provincial Assessor’s Office. Sa kategoryang ito, binigyang pagkilala ang mga LGUs na bumuo at gumagamit ng ICT systems na nagpapagana ng koneksyon sa ibang ICT systems ng ibang mga tanggapan ng gobyerno, maging nasyunal man ito o lokal.

Ang digitalcitiesPH ay isang national flagship program sa pagtutulungan ng Department of Information and Communications Technology (DICT), National ICT Confederation of the Philippines (NICP), ang umbrella organization ng mga information and communications technology (ICT) Councils sa buong bansa, at ang Information Technology and Business Process Association of the Philippines (IBPAP).

Ang parangal ay tinanggap ni Provincial Assessor Engr. Eduardo B. Cedo sa annual search para sa mga best practices ng mga LGUs sa paggamit ng ICT para sa epektibong paghahatid ng serbisyo publiko. 17 awards ang iginawad sa mga kategorya ng Global Competitiveness, Digital Finance Empowerment, Data-Driven Governance, Government Inter-Operability, Business Empowerment, at Customer Empowerment. ✎ Shelly Umali at Louise Mangiin, Batangas Capitol PIO

Like
Like Love Haha Wow Sad Angry

Comments are closed.