4th Quater Meeting ng mga Konseho ng Kababaihan at Kabataan, Isinagawa

November 26, 2018

Ginanap ang 4th Quarter Meeting ng Provincial Council for the Protection of Children (PCPC) at Provincial Committee on Child Trafficking and Violence Against Women and their Children (PCCT-VAC) noong ika- 23 ng Nobyembre 2018 sa People’s Mansion Capitol Compound Batangas City.

Nakiisa si Governor Dodo Mandanas, kasama si Atty. Gina Reyes Mandanas, ang Samahang Batangueña president, sa pagpupulong kung saan napag-usapan ang pagtatayo ng isang shelter para sa kabataang dumaan at nahaharap sa teen pregnancy, ganun din ang pagkakaroon ng hotline para sa nasabing mga adbokasiya.

Kabilang sa mga tinalakay sa pagpupulong ng PCPC ang Child Friendly Local Governance Audit 2017-2018; ulat ng Department of the Interior and Local Government (DILG) tungkol sa mga LGUs na may 1% IRA allocation to Children Programs kung saan 15 bayan ang pumasa; Programs and Activities for Child Protection; Cases on Teenage Pregnancy, na sa datos ng Provincial Health Office ay umabot na ng 4,034 mula Enero hanggang Setyembere 2018; Department of Social Welfare and Development 4A Updated Data tungkol sa Badjao; at 2018 Provincial Children’s Month Celebration Activity.

Samantala, pinag-usapan naman ng PCAT – VAWC, kasama ang DILG, PSWDO at Philippine National Police, ang tungkol sa Status of Functionality of Barangay Violence Against Women Desk sa lalawigan, VAWC Mapping Test, at presentation ng activity para sa 18-day Campaign to End VAW.

Dumalo rin sina 3rd District Board Member Divina Balba bilang kinatawan ng Committee on Women, Children and Family at 6th District Senior Board Member Rowena Africa para sa Committee on Social Welfare. ✐Shelly Umali – Batangas Capitol PIO