309 Estudyante, Nabigyan Ng Educational Assistance

September 12, 2018

Bilang patuloy na pagtugon ng Pamahalaang Panlalawigan ng Batangas sa pangangailangan ng kabataang Batangueño sa larangan ng edukasyon, namahagi si Governor Dodo Mandanas, katuwang sina vice Governor Nas Ona at Board Member JP Gozos, ng Educational Assistance sa mga bagong iskolars para sa kasalukuyang semestre mula sa iba’t ibang paaralan sa Lalawigan ng Batangas na ginanap sa Bulwagang Batangan, Capitol Site, Batangas City.

309 na estudyante ang nabigyan ng tulong pinansyal, na pinaalalahanan ni Provincial School Board Scholarship Division head Merlita Pasatiempo na mas pagbutihin pa ng mga estudyante ang pag-aaral dahil “ang edukasyon ay para sa hinaharap, kaya huwag ipagpapalit sa sandaling sarap.” ✎ Louise Mangilin, Batangas Capitol PIO